Kompania e Kylie Jenner, Kylie Cosmetics, po ofron një set të furçave të makijazhit si risi në treg, por shumë kanë mbetur të pakënaqur për çmimin.
Seti është produkti i tretë nga Silver Series që ofrohet për 360 dollarë. Shumë bloge të modës dhe adhurues në Twitter kanë shprehur zhgënjimin për çmimin, duke e detyruar Kylie Jennerin të përgjigjet vetë në rrjetin social.
“Unë kam zhvilluar për ju setin më luksoz dhe më fantastik të furçave ndonjëherë. Jam shumë e ngazëllyer. Furçata reale nuk krahasohen me ato sintetike. Performancë tjetër, cilësi dhe gjithçka”.
“Unë jam pro për të bërë një linjë sintetike 100 për qind në të ardhmen, e që do të jetë shumë më e lirë”, deklaroi Jenner.
Jenner, e cila e pret fëmijën e saj të parë me Travis Scott në fillim të vitit 2018, u përgjigj ndaj kritikave me foto të linjave të tjera të brushave dhe çmimit të tyre në krahasim me setin e saj.
Nuk është hera e parë që Kylie gjendet në mesin e kritikave për linjën e saj kozmetike.
