Këto ditë rrjeti po çmendet nga sfida më e re “Bottle challenge”, e cila konsiston në hapjen me këmbë të tapës së një shisheje. Të shumtë janë VIP-at që e kanë realizuar këtë sfidë, ndërsa Kendall Jenner mori vëmendjen e të gjithëve teksa hapte shishen me këmbë e hipur mbi një jet-ski në Mykonos.
Mirëpo, teksa bota merret me sfidën e shishes, një tjetër sfidë u hap në Shqipëri nga çifti shumë i njohur i showbiz-it, Elita Rudi dhe Gjiko. Pak më parë, moderatorja publikoi në Instastoryn e saj një video të Gjikos duke shpallur sfidën më të re të Instagramit: Boomerangu i gjallë.
Në videon e publikuar Gjiko shfaqet duke lëvizur si në një boomerang, duke përsëritur veprimet e tij, ndërsa më pas nis të qeshë dhe lë të kuptohet se është një video e thjeshtë.
“Boomerang i gjallë. Sfidë nga Gjiko.”- shkruan Elita krahas videos së publikuar, duke nisur kështu një sfidë të re.
