Adele festoi 30-vjetorin këtë fundjavë në një festë madhështore. Këngëtarja e hitit “Hello”organizoi një festë në Bevery Hills me miqtë dhe familjarët e saj, ku tema kryesore ishte filmi “Titanic”.
Adele kishte zgjedhur të vishej si personazhi kryesor Rose, e luajtur në vitin 1997 nga aktorja britanike Kate Winstlet.
Këngëtarja, e cilësoi si një nga netët më të bukura të jetës së saj, teksa nuk la pa përmendur pasojat e alkoolit një ditë më pas. Adele shpërndau foto nga festa në profilin e saj në Instagram.
“Nuk e di se çfarë do të ndodhë në 30 vitet e ardhshme, por jam shumë e bekuar deri më tani me jetën time. Faleminderit të gjithë fansave për 11 vite të mrekullueshme përkrah meje. Fatmirësisht, familjarët dhe miqtë e mi janë fansa të ‘Titanic’ gjithashtu” – shkruan Adele.
Por fansat nuk e kanë pëlqyer këtë festë të organizuar nga Adele, pasi e shohin si shumë tragjike.
