Tridhjetë mjekë e infermierë shqiptarë do të arrijnë sot pasdite në Itali për të mbështetur vendin fqinj në krizën e koronavirusit.
“Fax News” raporton se mjekët do të zbresin pasdite në Romë, për të shkuar më pas në Bergamo, qyteti më i prekur nga koronavirusi, ku do të transferohen.
Dërgimi i personelit shëndetësor vjen pas një bisede që u zhvillua të premten mes kryeministrit shqiptar Edi Rama dhe ministrit të Jashtëm Luigi Di Maio.
Mjekët do të qëndrojnë në Itali për një muaj dhe do të paguhen nga Shqipëria. Sipas burimeve, Kryeministri Rama tha se “ai nuk mund ta shihte Italinë në atë vështirësi” dhe foli për ndihma sepse “shqiptarët e duan Italinë”.
“Mjekët po kursejnë jetë dhe tani si një vend ne po rizbulojmë vlerën më të rëndësishme që është jeta ”, komentoi Di Maio i cili do të shkojë në aeroport për të mirëpritur mjekët shqiptarë.
“Shqiptarja.com” mëson se janë 10 mjekë dhe 20 infermierë që do të qëndrojnë për një muaj në Itali, për të dhënë jo vetëm kontributin e tyre por edhe për të marrë eksperiencën nga mjekësia italiane
Ndërkohë, Italia njoftoi 919 vdekje të reja nga koronavirusi, numri më i lartë i viktimave që çdo vend ka raportuar në 24 orë nga fillimi i shpërthimit të epidemisë në fund të vitit të kaluar.
Numri i përgjithshëm i njerëzve që kanë vdekur si rezultat i COVID-19 në Itali tani është 9,134. Numri i çështjeve gjithashtu vazhdon të rritet, duke shkuar më shumë se 86,000.
/Iconstyle.al
