Pak ditë më parë, në media u bë publike historia e dhimbshme e një 3-vjeçari.
Vogëlushi ishte dhunuar barbarisht nga bashkëjetuesi i nënës së tij dhe kur u dërgua në spital, ai ishte në gjendje kritike për jetën.
Nga dhuna, vogëlushi përfundoi në gjendje kome, por falë ndihmës së mjekëve ai e ka kaluar rrezikun.
Lajmin e ka bërë të ditur halla e 3-vjeçarit e cila ka treguar për momentin e parë kur vogëlushi ishte zgjuar.
Në një lidhje skype për emisionin ‘Me zemër të hapur’ në ‘News24’ halla tha se djali kur kishte folur për herë të parë, i ishte drejtuar mjekut; ‘xhaxhi mos më rrih’.
“Fola pak me kamer me djalin, mundohej të fliste pak. Ta ndihmojmë atë fëmijë që ta kalojë atë traumë. Fola me mjekun dhe fëmija thoshte: mos më rrihni! Ato që deklarova për dhunën në familje mi ka pohuar vetë. Nëna nuk mohohet asnjëherë.”, tha halla.
