Që prej shtatorit rrjetet sociale kanë qenë të mbushura me thirrje për të ndihmuar financiarisht 19-vjeçarin nga Tropoja, Fatlind Buçaj, por më kot.
I riu është ndarë nga jeta pasi nuk arriti të mposhtte sëmundjen e rëndë. Fatlindi vuante nga një tumor agresiv në kokë.
Lajmin e hidhur e ka dhënë motra e 19-vjeçarit, Sara Buçaj, e cila bëri me dije se i vëllai kishte ndërruar jetë 3 orë para se të mbushte 20 vjeç.
“Me duart që m’dridhen e zemrën e thyer ju njoftoj që Fatlind Buçaj na la.
Edhe 3 orë prisnim të bëje 20 vjeç por tani në vend të ditëlindjes do festojmë përvjetorin e vdekjes! S’i them Zotit më forco sepse s’do ja arrije dot përderisa nuk ma la afër vetes at’ dritë sysh…
Ti jeton akoma për mua, nuk ke vdekur jo o jeta motrës!”
Edhe njëherë shëndetësia dështoi, një jetë më pak në mesin e shoqërisë tonë”, shkruan Sara bashkëngjitur fotos me të vëllain.
