Italia ka rihapur kufinjtë për turistët nga Evropa nga kjo e mërkurë, 3 qershor, tre muaj pasi vendi u izolua si pasojë e COVID-19, me shpresën për ringjalljen e industrisë kryesore të turizmit, ndërsa fillon sezoni i verës.
Gondolat do të grumbullohen përgjatë kanaleve të Venecias, të dashuruarit do të jenë në gjendje të vizitojnë ballkonin e e famshëm të Romeos dhe Zhuljetës në Verona, dhe tifozët e gladiatorit mund të pozojnë për selfie në Koloseun e Romës.
Sipas rregullores, të gjithë njerëzit nga rajonet italiane ose nga jashtë janë të detyruar, në rast simptomash, të njoftojnë menjëherë departamentin kompetent të parandalimit ASL dhe mjekun e tyre.
Të ardhurve në Itali nga Evropa nuk do t’ju kërkohet të izolohen, përveç nëse kohët e fundit kanë udhëtuar nga një kontinent tjetër.
Italia ishte vendi i parë evropian që u godit fort nga koronavirusi dhe zyrtarisht ka raportuar më shumë se 33,000 vdekje. Ky bilanc imponoi një ngërç ekonomik në fillim të marsit dhe që nga atëherë ekonomia ka rënë ndjeshëm.
Megjithatë vendi ende raporton dhjetëra raste të reja në ditë, veçanërisht në rajonin verior të Lombardisë, dhe ekspertët paralajmërojnë se qeveria mund të jetë nxituar në lejimin e udhëtimit midis rajoneve dhe jashtë vendit.
Fluturimet ndërkombëtare pritet të rifillojnë vetëm në tre qytete kryesore: Milano, Roma dhe Napoli.
Zvicra ka paralajmëruar qytetarët e saj që nëse shkojnë në Itali, do t’i nënshtrohen kontrolleve shëndetësore gjatë kthimit të tyre. Vendi do të hapë kufijtë e tij me Gjermaninë, Francën dhe Austrinë në 15 qershor, por jo me Italinë.
Austria do heqë kufizimet në mes të qershorit me Gjermaninë, Zvicrën, Republikën Çeke, Sllovakinë dhe Hungarinë – por jo Italinë, e përshkruar javën e kaluar nga ministri i Shëndetësisë i Vjenës si “ende një vatër e nxehtë”.
Vende të tjera, të tilla si Belgjika dhe Britania, ende këshillojnë të ndalojnë të gjitha udhëtimet jashtë vendit.
/Iconstyle.al
