Dasma e saj në Los Angeles ishte një ndër më të komentuarat nga mediat në Shqipëri, Kosovë dhe Turqi. Ish-missi shqiptar, Almeda Abazi u martua me aktorin turk, që njihet me emrin e rolit “Çënar”, në ditën e lindjes së saj.
Ajo ka thënë se ndihet si në qiellin e shtatë, më e dashuruar se kurrë, por si duket është zhgënjyer me vendasit e aktorit.
Këtë zhgënjim bukuroshja shqiptare e ka shprehur publikisht nëpërmjet një fotografie përkrah të cilës i ka falënderuar të gjithë shqiptarët që e uruan duke mos e lënë pa e përmendur faktin që e habiti aq shumë, se si njerëzit me të cilët është shoqëruar në Turqi nuk e kanë uruar fare.
“Falënderoj sërish të gjithë miqtë dhe shokët që më kanë telefonuar, pyetur dhe uruar në ditën më të lumtur të jetës time, ditën që realizova ëndrrat e mija, momentin që mora vendimin më të rëndësishëm në jetë. Mirëpo, nuk e kaloj dot pa e thënë edh këtë:
Në një kohë që të afërt dhe të largët, gjithkush që njoh në Shqipëri më telefonoi, madje teksa merrja mesazhe urimi edhe nga vende të ndryshme të botës; më ka habitur fakti që shumica e njerëzve, me të cilët kam ndarë shumë gjëra në Turqi, nuk më kanë telefonuar. Kjo do të thotë se kuptimi im rreth miqësisë dhe shoqërisë nuk u përputhka me të tyrin. Suksese në jetë të gjithëve!”, ishin fjalët e Almedës.
