Që Shqipëria ka disa prej plazheve më të bukura në të gjithë rajonin që çdo vit tërheqin me mijëra turistë të huaj, kjo tashmë dihet prej kohësh. Por së fundmi, një tjetër “perlë” shqiptare po çmend adhuruesit e turizmit e udhëtimeve nga e gjithë bota dhe nuk është as ndonjë plazh me ujë të kristaltë dhe as ndonjë fshat piktoresk.
Bëhet fjalë për një perlë teknologjike të quajtur “Welcome Albania” që prej disa kohësh, është kthyer në destinacionin e preferuar virtual të të gjithë turistëve dhe udhëtarëve që dëshirojnë të eksplorojnë bukuritë e Shqipërisë. Vetëm përgjatë muajit qershor, 3.5 milionë vizitorë kanë shijuar Shqipërinë nëpërmjet aplikacionit që është shndërruar në përfaqësuesin më të mirë virtual të turizmit shqiptar.
Vetëm nëpërmjet disa prekje të ekranit, kushdo mund të eksplorojë pikat më të bukura turistike në 360 gradë si dhe të informohet mbi çdo gjë që i duhet në momentin që vendos të udhëtojë drejt Shqipërsië, duke filluar nga hotelet, restorantet, automjetet me qira etj.
Por së shpejti, për të eksploruar Shqipërinë në këtë mënyrë tërësisht të re, nuk do të jetë i domosdoshëm një smartphone. Prej muajit dhjetor, “Welcome Albania” i bashkohet gjigantëve “Netflix” dhe “You Tube” në pajisjen “Oculus”, një prej krijimeve më prestigjioze në fushën e realitetit virtual, e cila të lejon që vetëm nëpërmjet syzeve, kudo që të jesh, të shijosh bukuritë e Shqipërsië si të ishe realisht në vendin tonë.
Shkarkoni tani “Welcome Albania” (kliko këtu iOS/Android) dhe eksploroni Shqipërinë në një mënyrë tërësisht të re.
