“Ajo ka rënë dakort”, kështu u shpreh një 24 vjeçar shqiptar, i cili rezulton i fejuar me një vajzë minorene, vetëm 12 vjeç.
Rasti u denoncua disa ditë më parë, nga emisioni “Pasdite në Top Channel”.12-vjeçarja nga fshati Polis Sheh i Librazhdit, e cila ishte martuar nga prindërit me Alfred Karajn.
Dje 24-vjeçari pranoi të fliste për Top Channel ku tregoi si e ka njohur të miturën.
“Jemi njohur me mblesëri. Goca ka rënë dakord, kanë ardhur njerëzit dhe kanë parë, gjithçka në rregull. Kemi bërë marrëveshje”, thotë ai duke këmbëngulur se vajza është në moshë të lejueshme për t’u martuar dhe se ajo e ka pranuar vetë këtë gjë.
Madje ai vazhdon duke thënë se nuk ka ndërmend të rrijë beqar vetëm se vajza është e vogël në moshë. Ndonëse xhaxhai i vajzës i quajti prindërit të papërgjegjshëm për këtë veprim, por Alfredi i ka quajtur ata “njerëz normal” dhe që do vazhdojë lidhjen me vajzën: “Do e pres sa të mbaroje shkollën e mesme dhe po doli mirë, do e mbështes për shkollën e lartë. Po s’kemi mundësi ekonomike”.
