Në Xhenova, të paktën 22 persona kanë humbur jetën, mes tyre edhe një fëmijë, si pasojë e shembjes së urës “Morandi” . Sipas Kreut të Emergjencave Angelo Borreli 13 persona janë të plagosur, nga të cilët 5 janë në gjendje të rëndë shëndetësore ndërsa 4 të tjerë nuk kanë rrezik për jetën.
“Në momentin e shembjes, rreth 30-35 makina dhe 3 kamionë po udhëtonin mbi urë” – tregoi Borreli.
Policia ka gjetur disa rrënoja makinash, ku brenda kishin persona të pajetë. Kjo nënkupton se numri i viktimave mund të rritet në çdo moment.
Ndërkohë disa dëshmitarë që gjendeshin në makinë pranë urës “Morandi” momente përpara shembjes u shprehën se panë që ura u godit nga rrufeja.
“Ishte ora 11.30 kur rrufeja goditi urën dhe menjëherë ajo u shemb” – u shprehën dëshmitarët për “Ansa”.
Të dyja karrexhatat kanë rënë në tokë për rreth njëqind metra. Në autostradën A10 Xhenova-Savona është mbyllur kryqëzimi midis A7 Milano-Xhenova dhe Xhenova Aereoport në të dy drejtimet.
il momento del crollo del ponte #morandi a #genova pic.twitter.com/w6T4zaDfTp
— Tersite™ (@Tersite66) August 14, 2018
Burimi: Ansa
