Tirana do t’i bashkohet “Javës Europiane të Lëvizshmërisë”, këtë të diel në ditën pa makina.
Bashkia e Tiranës ka organizuar një sërë aktivitetesh që kanë për qëllim nxitjen e qytetarëve në përdorimin sa më shumë të biçikletës dhe për ta bërë atë një mjet popullor në kryeqytet.
Kjo synon ndërgjegjësimin e qytetarëve për të përdorur sa më pak mjetet që ndotin mjedisin dhe të përqafojnë qasjet e reja të transportit alternativ, duket ecur ose pedaluar më shumë.
Bashkia e Tiranës nxit qytetarët që t’i lënë mjetet e tyre në shtëpi dhe t’i bashkohen aktiviteteve të “Ditës pa Makina” si këmbësorë, së bashku me familjen e tyre.
Masat e marra parashikojnë:
Ndalimin e qarkullimit të automjeteve si më poshtë:
Bulevardi “Dëshmorët e Kombit” dhe sheshi “Nënë Tereza” datë 20.09.2019 nga ora 10:30 deri në orën 11:00.
Në rrugët “Ibrahim Rrugova”, “Lek Dukagjini” dhe “Papa Gjon Pali II”.
Mjetet e transportit urban të qytetit do të devijohen si më poshtë:
Linja e Unazës do të devijohet në urën e rrugës “Sami Frashëri” me urën e rrugës “Elbasanit”.
Linja “Tirana e Re”, “Kopshti Zoologjik” do të devijohen te sheshi “Ëilson” ura e Drejtorisë së Policisë.
Linja “Kristali” do të devijohet te sheshi “Wilson” dhe Stacioni Trenit.
Linja “Kinostudio- Kombinat”, do të devijohet tek Sheshi “Medresesë”, si dhe përballë kishës Ortodokse.
Linja “Kashar” do të devijohet te “Kafe Flora”, Kisha Ortodokse.
Linja “Megatek” dhe “Institut” do të devijohen te “Kafe Flora”
Linja “Qyteti Studenti”, “Jordan Misja”, “Sauk”, dhe “Sanatorium” do të devijohen te Fakulteti Ekonomik.
Linja “Mihal Grameno” do të devijohet te ura pranë rrugës “Elbasanit”.
Linja “Materniteti i Ri” do të devijohet te ura pranë rrugës “Elbasanit” dhe Kishës Ortodokse.
Linja “Sharra” do të devijohet te Stacioni Trenit si dhe përballë Kishës Ortodokse në rrugën e “Kavajës”.
/BalkanWeb
