Moderatori Meriton Mjekiqi është bërë të herë të parë baba. Përmes një postimi në profilin e tij në “Instagram”, 21- vjeçari, i cili u bë i njohur për publikun shqiptar gjatë spektaklit “Dance With Me”, dha lajmin se ditën e djeshme, erdhi në jetë djali i tij. Çifti e ka pagëzuar vogëlushin me emrin Loar.
“Ti na ndryshove jetën momentin e parë që e kuptuam se do vije në jetë djali im. Zotit i falenderohem për këtë dhuratë që na dha. Qenka ndjenja më e mirë ne botë dhe jemi shumë të lumtur, që në momentin që u bëre pjesë e jetës sonë. Je ai,qe sa herë te shohim, të rrahurat e zemrës na i shpejton. Natën gjumin na bën më të mirë, kur erën tënde e nuhatim, mëngjesi zbukurohet kur i shohim sytë e tu. Je gjithçka që kemi në jetë ,për ty jetojmë Loar. Rrofsh sa krejt malet e botës me shëndet ,lumturi. Të duam pa fund. 15.7.2018. të faleminderi ty Zot”, – shkruan prezantuesi, krahas fotos.
Pak ditë më parë, Meritoni hoqi të gjitha fotot e partneres së tij Egesta Salihaj nga profili i tij, madje vendosi të mos e ndiqte më në rrjetet sociale nënën e vogëlushit, duke ngritur dyshimet se çifti i kishte dhënë fund historisë së tyre të dashurisë.
