Babai vjedh bukën nga dyqani për të ushqyer fëmijët. Tema që zgjodhi Blerta Kelmendit për filmin e saj është më aktuale se kurrë. Një film që nuk lidhet vetëm me braktisjen e moshës së tretë, por që na përfshin të gjithëve.
Me një pjesë të shkruar nga autori gjerman Wolfgang Borchert, 21-vjeçarja Kelmendi ka risjellë aktorët e njohur Hajrie Rondo dhe Jorgaq Tushe në filmin me metrazh të shkurtër “Buka”.
Pavarësisht se e vogël në moshë, ajo ka mbi supe të gjithë atdheun e saj, pasi filmi i saj ka shkuar në Kanë bashke me emrin e “Shqipërisë”. Blerta Kelmendi ëhstë një studente e Akademisë së Arteve në Tiranë nga Fieri
Emri i saj ka shkuar në Kanë, përkrah Woody Allen, Pedro Almodovar, apo George Clooney dhe Julia Roberts. Me vetëm dy personazhe, Blerta arrin të ngrejë pyetjet që të gjithë i mendojmë, ndërsa hedh sytë nga mosha e tretë.
Dhe në sytë e saj askush nuk mund ta personifikonte më mirë situatën sesa Hajrie Rondo dhe Jorgaq Tushe. Dy aktorë të mëdhenj që e ngrenë filmin akoma më lart.
Me producentët Bujar Alimani dhe Tefta Bejko, “Buka” mori mbështetjen financiare të Qendrës Kombëtare të Kulturë.
