Sot është një ditë e veçantë për disa nga personazhet e njohur të ekranit shqiptar. Ermal Mamaqi, Vera Grabocka, Marsela Çibukaj e të tjera, festojnë ditëlindjen në të njëjtën ditë.
Ermali mbushi plot 36 vjeç. Ky është gëzimi i dytë në familjen Mamaqi në një kohë të shkurtër pasi vetëm pak ditë më parë, ka ardhur në jetë vogëlushja e tij Sia.
Moderatorin e gjeti dita e lindjes duke festuar “me miq të mirë”, ndërsa ka qerasur gjithë fansat: Pini ça të doni sot, vëreni te llogaria ime”.
Vera Grabocka ka festuar 67-vjetorin. Duket e pabesueshme sesi ikin vitet, pasi producentja e njohur të jep përshtypjen e një femre shumë herë më të re sesa mosha reale.
Pandi Laço ka lindur më 21 mars të vitit 1964 dhe mbush plot 54 vjeç. Ai aktualisht është i angazhuar me programin “Virtuozët” në televizionin Klan.
Marsela Çibukaj feston sot 34-vjetorin. Ajo ka zbuluar dhe kuptimin e emrit në këtë ditë të veçantë, që sigurisht është marrë nga muaji Mars.
DJ Sardi ka pritur ditëlindjen e 30-të në Korçë, bashkë me të afërm dhe familjarë. Sigurisht nuk kanë munguar torta me qirinjtë që i shtojnë lezetin kësaj dite të veçantë.
