Një vajzë 20-vjeçare ka kryer transplantin e veshit me teknologjinë 3D duke u bërë pacientja e parë në botë që i nënshtrohet këtij operacioni.
E reja quhet Alexa dhe është nga Meksika. Ajo ka lindur me sëmundjen mikrotia, që pjesa e jashtme e veshit është e vogël dhe nuk ka formë.
Jo vetëm kaq por kjo sëmundje mund të sjellë probleme me dëgjimin, shkruan Sky News.
Mjeku Arturo Bonilla, një kirurg rindërtues i veshit në San Antonio ka kryer këtë operacion. Ai hoqi një gjysmë kërc nga veshi i saj e më pas e dërgoi në “3DBio Therapeutics” në Long Island City të Queens.
Kondrocitet e saj u izoluan nga kampioni i indeve dhe u rritën në një grumbull të veçantë lëndësh ushqyese, duke i kthyer ato në miliarda qeliza, shkruan Sky News.
Qelizat më pas u futën në një bio-printer të specializuar 3D me një shiringë.
Pas 10 minutave, qelizat u kthyen në një formë të veshit të shëndetshëm të pacientes së re.
Pasi u la në ftohtje, doktori e implantoi veshin nën lëkurën e vajzës. Tashmë Alexa thotë se pasiguritë e saj u zhdukën njëherë e përgjithmonë.
E reja i mbante gjithmonë flokët e lëshuara, për të mbuluar veshin.
