Dy vite më parë, këngëtarja e njohur Eneda Tarifa dhe partneri i saj, Erjon Zaloshnja, i dhanë fund martesës së tyre 18-vjeçare.
Nga kjo martesë, ata u bënë prindër të vogëlushes Aria, e cila është bërë shkaku që prindërit e saj të takohen e madje edhe të pozojnë së bashku.
E gjitha kjo, me rastin e ditës së parë të shkollës për Arian.
Vogëlushja futet në klasë të parë dhe në gëzimin e saj s’ka munguar asnjë nga prindërit.
Madje, ata i shoqëronte edhe kunata e Enedës, Ilda, e cila ka pozuar me Arian dhe çiftin, siç mund ta shihni në fotot e publikuara nga “bordo.al”.
Nga kjo ditë e veçantë, Aria do të ketë si kujtim një pozë me të dy prindërit e saj, të cilët megjithëse të ndarë, bëhen bashkë çdoherë për të voglën e tyre.
Ndarja e Enedës dhe Erjonit bëri bujë të madhe në media dhe pas 18 vitesh së bashku, u duk gati e pabesueshme për publikun që ata i ndanë drejtimet e jetës së tyre.
