Prej më shumë se 2 vitesh, ish-banorja e “Big Brother”, Gerta Shino është në një lidhje me Florent Avdulahin.
Në postimet që bëjnë në rrjetet sociale ata janë parë shumë të dashuruar dhe tashmë kanë plane për t’u martuar.
E ftuar në emisionin “Mirage” Gerta ka treguar edhe detajet e martesës.
“Do të martohemi për t’u martuar por që as vetë nuk e dimë një datë fikse, nuk e dimë të sigurt se kur po besoj që shumë shpejt. Gjatë këtij viti kemi për të bërë martesën. Nuk do të jem më një zog i lirë, do jem zog i lirë po në dokumente jo e lirë”, është shprehur ish-banorja.
Më tej ka shtuar se nuk do të bëjnë dasmë por vetëm një celebrim të thjeshtë.
“Nuk besoj se do të bëj dasmë sepse nuk jam ky tipi i nuseve, që të rregullohem të bëhem nuse, të nusëroj. Unë jam shumë tip ndryshe nga nuset edhe besoj se do të bëj vetëm celebrimin dhe ndoshta do të bëj ndonjë foto, ndonjë gjë të tillë që t’i kem kujtim”, ka treguar Gerta.
