Dy nxënës të moshave 15-vjeçare me iniciale A.,M., dhe A.,H., po hetohen pasi dyshohet se kanë hedhur spraj gazi duke krijuar një situatë alarmante në gjimnazin e Fierit.
Sot mësimi ka nisur normalisht pa dalë ende përgjigja e analizës për sigurinë në ambientet e shkollës.
Një vajzë është dërguar me urgjencë në spital pasi nuk është ndjerë mirë sapo është futur në ambientet e brendshme të shkollës.
Prindërit e shqetësuar kanë kundërshtuar fillimin e mësimit në kushte të tilla, dhe kanë tentuar të futen në shkollë por janë ndalur nga policia.
Deri më tani ajo që dihet është se nxënësit janë autorët e këtij helmimi nga i cili përfunduan dhjetëra të rinj në spital.
E afërmja e njërit prej nxënësve në gjimnazin e Fierit ka treguar për “iconstyle.al” se nxënësit e bëjnë këtë për të tërhequr vëmendje.
“Unë kam vëllain në atë klasë dhe e gjithë ajo që po ndodh është veçse një gaz që hedhin nxënësit, i cili për disa çaste të jep pak bllokim në frymëmarrje dhe bëhet thjesht për të marrë vëmendje, nuk ka asgjë alarmante”.
