Elita Rudi dhe Gjiko u bënë prindër për herë të dytë në 3 mars. Sot kanë kaluar fiks dy muaj nga ardhja në jetë e vogëlushes së tyre, Bota Gjikolli. Për të festuar këtë moment të shënuar dhe për të ruajtur kujtimin më të bukur nga 2 mujori i lindjes, mami Elita ka realizuar disa foto shumë të ëmbla të Botës dhe sigurisht vëllait të saj, zërit.
Në profilet përkatëse të të vegjëlve në Instagram, moderatorja ka ndarë poza që na ëmbëlsuan ditën.
Zëri si një princ i vogël dhe Bota si një princeshë, kanë pozuar krah njëri-tjetrit.
Pavarësisht se shtatzënia e dytë erdhi shumë shpejt për të, Elita ka arritur t’ju kthehet sërish formave të saj trupore dhe duket në formë perfekte. Edhe pse është nënë e dy fëmijëve dhe në shtatzëninë e dytë shtoi 18 kilogramë, moderatorja ka linja trupore për t’u pasur zili.
Elita ka treguar më herët se Botën e solli në jetë me operacion, duke qenë se dhe Zëri ka lindur në të njëjtën mënyrë.
“Sepse isha 40 javëshe dhe shkova për kontroll e kuptuam që Zëri kishte mbet komplet pa ujë. U shtrova menjëherë në spital për të provuar për shtatzëni normale, por nuk pata sukses.”, zbuloi ajo pas lindjes së vajzës.
