Hyrjet e reja në radhët e djemve në ‘Për’puthen” duket se nuk kanë fund. Ditën e sotme i janë bashkuar programit dhe 2 të tjerë, të cilët kishin synime shumë të qarta.
Geljan Rajku quhej djali i parë që ju bashkua emisionit dhe njëkohësisht më i riu deri më tani. Ai tregoi se është 20 vjeç dhe se merret me boks. Ai zbuloi se ka pëlqim për Jasminën dhe Sarën, madje kjo e fundit tha se do i dhuronte një “baby kiss”, por më pas i dha vetëm një puthje në faqe. Mirëpo si përfundim ishte Jasmina ajo që zgjodhi që të dilte në një takim me Geljanin për javën e ardhshme. Pas zgjedhjes së saj ndërhyri Princi, i cili u shpreh se Geljani është thjesht “peshku” i radhës i Jasminës.
Djali i dytë që ju bashkua “Për’puthen” quhet Ani Xhafaj. Ai tha se është 24 vjeç me origjinë nga Mallakastra. Edhe ky i fundit shprehu hapur pëlqimin e tij për Antonelën dhe Sarën.
Në fund të emisionit vajzat bënë të gjitha përzgjedhjet e tyre për javën e ardhshme. Antonela zgjodhi Rianin, Sindi Muratin, i cili aktualisht ndodhet në Turqi dhe ajo tha se ja ndjen mungesën. Ndërsa Aristela i habiti të gjithë duke zgjedhur Princin për takim. Nga ana tjetër Sara përzgjodhi Shkëlqimin, ndërsa Ledjana Mevlanin.
