Një adoleshent shqiptar ka marrë vëmendjen e mediave ndërkombëtare, por për arsyen e gabuar. I riu u paraqit në gjykatën Selkirk të Skocisë, pasi akuzohet si i përfshirë në kultivimin dhe shpërndarjen e kanabisit.
BBC shkruan se, shqiptari i akuzuar është 19-vjeçari Emiliano Boia. Nga ana tjetër ai nuk i ka pranuar akuzat dhe çështja vijon të jetë nën hetim nga autoritetet skoceze. Ai ndodhet në paraburgim dhe pritet të dalë në gjykatë sërish javën e ardhshme.
19-vjeçari u ndalua pas një aksioni të policisë në një adresë në rrugën Curror, Selkirk, gjatë ditës së martë. Autoritetet sekuestruan bimë kanabisi me vlerë rreth 500 mijë paund.
Mediat britanike shkruajnë se e njëjta ndërtesë ishte përdorur edhe më parë për prodhimin e kanabisit. Ndërsa në të njëjtin vend një vietnamez u arrestua dhe u dënua me 3 vjet burg në mars të 2016-s.
