“Mallkuar qoftë ky muaj që më la të vetme përgjithmonë…” këndon Arilena Ara në vargjet e këngës së saj më të suksesshme të titulluar “Nëntori”, një baladë rrënqethëse që këngëtarja e famshme i ka kushtuar babait të saj, i cili prej disa vitesh nuk jeton më dhe sot, do të festonte ditëlindjen.
Ndaj në këtë ditë të shënuar, Arilena ka vendosur ta kujtojë të atin me një video që ka emocionuar këdo që ka rastisur së fundmi në profilin e saj.
Në videon në fjalë, artistja e njohur shihet në skenën e spektaklit “Gjeniu i vogël” kur ishte fare e vogël në moshë dhe gëzonte së bashku me të atin e ndjerë arritjet në muzikë.
“Edhe njëherë t’më përqafoje babi… Gëzuar ditëlindjen në parajsë!”-shkruan Arilena në përshkrimin e videos tepër prekëse, në momentet e fundit të së cilës këngëtarja dhe babai i saj shihen të parqafuar në skenën e spektaklit.
