Një adoleshente u verbua për dy ditë dhe u enjt në fytyrë pas një reagimi alergjik ndaj bojës së flokëve.
Riley O’Brien, 18 vjeç, u përpoq të lyente flokët e saj ngjyrë kafe, në bjonde.
Para se të dilte me miqtë e saj, ajo përdori një bojë “Garnier” por vendosi të mos bënte një test paraprak, sepse e kishte përdorur bojën më përpara.
Por adoleshentja nga Colchester, pësoi një reaksion alergjik që e la atë me djegie në fytyrë.
Fatmirësisht fytyra e O’Brien tani është kthyer në normalitet por ajo e bëri publik rastin për të ndërgjegjësuar të tjerët të bëjnë një test paraprak për alergjinë.
“Unë kurrë nuk do t’i lyej flokët e mi përsëri dhe në vend të kësaj, do të mbaj ngjyrën time natyrale kafe”.
O’Brien i ka lyer flokët rregullisht që kur ishte 14 vjeç. Ajo ka eksperimentuar gjithnjë me flokët dhe nuk i ka ndodhur një gjë e tillë.
Pasi i leu flokët vajza shkoi në club me shokët, dhe të nesërmen u zgjua me fytyrën e enjtur.
Por çfarë është një test paraprak?
Përpara se të përdorni një bojë të re për herë të parë, merrni pak nga ajo dhe vendoseni në pjesën e pasme të veshit për të parë nëse jeni tolerantë ndaj saj apo keni alergji.
