Për të dytën ditë radhazi janë identifikuar 18 raste të reja me koronavirus në vendin tonë duke e çuar numrin e të infektuarve në 916 në total.
Pesë raste janë shfaqur në qytetin e Beratit, i cili është shpallur zonë e gjelbër, si dhe 4 në Tiranë, 7 në Durrës dhe 2 në Krujë.
Të gjitha rastet janë kontakte të rasteve të mëparshme me COVID-19 që kanë rezultuar pozitiv.
Situata në spitale paraqitet e qëndrueshme me 19 qytetarë të shtruar, prej të cilëve 4 janë në terapi intensive.
Deri tani janë kryer rreth 12 mijë testime dhe kanë kaluar 900 raste pozitive nga fillimi i epidemisë, ndërsa aktualisht janë 180 persona aktivë me COVID-19, kryesisht ne Tiranë, Krujë, Shkodër, Kamëz, Durrës dhe Berat.
“Prandaj është vendi për një apel për të gjithë qytetarët: të respektojmë masat, të mos dalim nga shtëpia pa arsye të domosdoshme, të mos neglizhojmë shenjat e sëmundjes dhe duhet telefonuar 127 nëse keni shenja të Covid-19”, u shpreh Silva Bino nga ISHP.
COVID-19 – Statistika (15 Maj 2020)
Testime totale 11988
Testime molekulare 11458
Testime serologjike 530
Raste pozitive 916
Raste të shëruara 705
Raste Aktive 180
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 77
Krujë 46
Shkodër 16
Kamëz 12
Berat 10
Durrës 9
Fier 5
Elbasan 2
Kurbin 1
Mirditë 1
Korçë 1
Situata në mbarë botën:
Në nivel global, më shumë se 4.4 milionë njerëz janë infektuar dhe më shumë se 301,000 kanë vdekur nga COVID-19, sipas Universitetit Johns Hopkins. Rreth 1.6 milionë njerëz janë rikuperuar.
Wuhan, qyteti kinez që po planifikon të testojë të gjithë 11 milionë banorët e tij, ka testuar më shumë se tre milionë njerëz që nga prilli dhe do t’i përqendrojë përpjekjet e tij të testimit te banorët e mbetur.
Ekonomia e goditur nga koronavirusi në Gjermani u ul me 2.2 përqind në tremujorin e parë, rënia e saj më e fortë tre-mujore që nga kriza financiare e 2009.
Zyrtarët konfirmuan infeksionin e parë me koronavirus të një refugjati në kampet e përhapura në Bangladeshin jugor.
Shteti më i prekur në SHBA, me të paktën 340,661 raste dhe 27,477 vdekje, është Neë York.
Pas SHBA-së radhiten Spanja me 272.646 raste, Rusia me 252.245, Britania me 233.151, Italia me 223.096, Brazili me 197.838, Franca me 178.878 dhe Gjermania me 174.636 raste me COVID-19.
Ndërkaq, sipas të dhënave të fundit, në Turqi deri më tani janë konfirmuar 144.749 të diagnostikuar me virusin.
/Iconstyle.al
