Le të jemi të sinqertë, sa prej nesh i kanë plotësuar qëllimet e Vitit të Ri?
Problemi me Qëllimet e Vitit të Ri është se ato shpesh janë shumë të vështira për t’u realizuar dhe të pamundura.
Tashmë interneti ka nisur sfidën e listës #18for2018 (18 për 2018), ku mund të shkruani qëllimet që janë të arritshme. Në rast se doni pak frymëzim, ja disa ide:
1.Lexo më shumë
2.Hani më të shëndetshëm
Mos u bëni vegjetarian, por hiqni dorë nga pica dhe hamburgerët.
3.Mundohuni të gatuani më shumë
Mësimi i disa recetave të reja të thjeshta mund të transformojë ndjenjat tuaja për kuzhinën brenda disa orë.
4.Udhëtoni
Përjetimi dhe vlerësimi i kulturave të ndryshme është mënyra më e mirë për të ndriçuar veten dhe për të përjetuar botën në të cilën jetojmë.
5.Mësoni një gjuhë të re
Kjo nuk është e lehtë, por ka shumë aplikacione gjuhësore dhe faqe interneti që do t’ju ndihmojnë.
6.Bëni një kurs
A keni pasur ndonjëherë një pasion që nuk keni pasur kohë ta përvetësoni? Pse mos të bëni një kurs dhe të nisni ëndrrën që keni patur?
7.Ndihmoni bamirësitë
Mund të bëni punë vullnetare në ndihmë të njerëzve në nevojë.
8.Jini më aktiv
Ne e dimë se aktiviteti fizik nuk është diçka që u pëlqen të gjithëve, por gjëra të vogla si ecja ose ngjitja e shkallëve mund të bëjë ndryshime të vogla, por të dobishme.
9.Kufizo kohën e shpenzuar në internet
Ne e kuptojmë që po e lexoni këtë në internet, kështu që kjo pikë bie pak në kundërshtim, por largoni nga rrjetet sociale për pak kohë herë pas here dhe kaloni kohë me njerëzit në botën reale.
10.Mësoni një instrument muzikor
Mendoni se nuk jeni të talentuar në muzikë, por nuk e dini këtë deri sa të provoni.
11.Bënjeni vet drekën
Mendoni sesa para do të kurseni nëse e bëni vetë drekën që konsumoni në punë. Plus, gjithmonë do të hani pikërisht atë që dëshironi.
12.Pini më shumë ujë
Jo vetëm që uji është i mirë për hidratimin, por do të përmirësojë çehren tuaj dhe do t’i bëjë mirë lëkurës. Duhet të pini një shishe 1.5 litër çdo ditë.
13.Pini më pak kafeinë
Po, kafeina është një nxitës i mrekullueshëm për nisjen e ditës, por ne të gjithë e dimë që nëse e konsumoni shumë mund të bëhet e tmerrshme për ju.
14.Pini më pak alkool
Të gjithë fshehurazi dëshirojmë që të mund të ulnim konsumin e alkoolit.
15.Bëjeni vet
Kjo mund të përfshijë gjithçka. Nga pikturat, raftet apo qilimat.
16.Dilni jashtë një herë në ditë
Pa marrë parasysh motin, duhet të dilni jashtë dhe të përjetoni atë që po ndodh në anën tjetër të derës dhe të merrni ajër të pastër.
17.Bëni një pastrim rrënjësor
Të gjithë kemi gjëra që nuk na duhen më dhe që na zënë hapësirën e shtëpisë. Hiqni nga shtëpia ose falini.
18.Gjeni kohë për miqtë dhe familjen
Në fund të ditës, njerëzit që janë më të afërt me ne, kanë rëndësi më të madhe. Mbajtja në kontakt me miqtë dhe familjen është një gjë jetike që shpesh e neglizhojmë.
Burimi: Independent
