Bashkëshortja e Ramush Haradinajt, Anita Muçaj ka tërhequr vëmendjen me një dedikim për ditëlindjen e bashkëshortit të saj.
Dje, ish-kryeministri i Kosovës festoi 52-vjetorin, dhe urimet sigurisht nuk munguan, por më i veçanti do të mbetet ai i partneres së tij.
Në postimin në Instagram, ku ka publikuar disa foto nga momentet më të ëmbla me njëri-tjetrin, Anita e thërret Haradinajn “gjeneral i zemrës sime”. Ndër të tjera ajo e quan veten dhurata më e bukur e ditëlindjes së tij, ndërsa shton se 17 vitet që kanë kaluar bashkë kanë pasur sfida të mira dhe të këqija.
“Nuk dua të t’a heq asnje gradë e yll si gjeneral ushtrie e komandant i Luftës veq dua t’i shtoj nja dy më shum ?
Ti je gjenerali i zemrës sime, e gjeneral i dashurise se Gjinit, Hanes dhe Trimit,
Të duam përjetë Ramush Harandinaj! Gezuar Ditelindja e une edhe sot vazhdoj te mendoj qe jam dhurata me e bukur e ditelindjes sate ?! Gezuar 17 vjet bashk me te mira e te kqija ?”!
https://www.instagram.com/p/CCL1lxxH3sR/
Kjo nuk është hera e parë që Anita i shpreh dashurinë publikisht bashkëshortit, me të cilin ka 3 fëmijë, Gjinin, Hanën dhe Trimin. Ata janë njohur gjatë kohës kur Anita ka punuar si gazetare terreni.
Gruaja e ish-kryeministrit ka fituar mjaft simpati në mesin e admiruesve të Haradinajt dhe është shpallur edhe si “Phenomenal Global Women” në “Global Women Summit 2019” në Londër.
