Vetëm pak ditë pas vdekjes së 39 personave në kamionin frigoriferik, “Daily Mail” ka bërë publike historinë e një shqiptari nga Hasi që me 17 mijë paund të çon në Angli.
Një gazetare e infiltruar ka investiguar për disa kohë shqiptarin në fjalë dhe ka zbuluar se ai kishte dy mënyra të trafikimit të njerëzve.
Një përmes dokumentacioneve false dhe nisjes nga Tirana me avion kundrejt 17 mijë paundëve dhe e dyta duke u fshehur në një kamion që niset nga Belgjika kundrejt 14 mijë paundëve, ndërsa udhëtimi zgjat 12 deri në 16 orë.
Gazetarja i ka treguar se ka frikë të bëjë këtë udhëtim dhe ai i ka treguar se në këtë mënyrë ka shkuar edhe vetë në Angli.
Teksa qesha ai shton se nëse ndosh diçka e keqe është thjesht shorti i fatit dhe ajo është e shkruar
“Daily Mail” bën me dije se shqiptari nga Hasi është identifikuar me emrin Kastriot Ahmati dhe në një faqe “Shqiptarët e Londrës” publikonte ofertën e tij dhe linte numrin e telefonit për të interesuarit.
Përpara se të botonin shkrimin gazetarët britanikë e morën në telefon dhe i kërkuan një koment përfundimtar, por ai u ktheu përgjigje përmes një shoku dhe u tha se bëhej fjalë për një shaka.
Gazetarët i kërkuan shpjegime për aktivitetin e tij, por ai mbylli numrin e telefonit dhe fshiu faqen e tij në Facebook të quajtur “Kace Kace”.
