Ditën e sotme, Ministria e Shëndetësisë ka konfirmuar raste të reja të prekura me virusin vdekjeprurës Covid-19.
Gjatë 24 orëve të fundit janë kryer 152 teste, 16 prej të cilëve kanë rezultuar pozitivë.
Kështu, numri total i të infektuarve në vendin tonë deri tani është 259.
Në spitalin Infektiv ndodhen 79 persona, 7 prej të cilëve janë terapi Intensive, ku 4 janë intubuar.
Pjesa tjetër e pacientëve po qëndrojnë në pavion dhe kanë gjendje më të stabilizuar shëndetësore.
Mosha mesatare e të prekurve në vendin tonë është 50 vjeç.
Ndërkohë, Covid-19 i ka marrë jetën 15 personave në Shqipëri.
