Pamje të rënda u shpërndanë dje, në mbrëmje, në rrjetet sociale, ku një 15-vjeçar, nga Kuçova masakronte qenin e tij me sopatë, teksa miku i tij e filmonte.
Videoja makabre, i preku të gjithë ata që e panë e pjesë e tyre ishin dhe artistë e të njohur nga bota e televizionit, të cilët i bënë thirrje kryeministrit Edi Rama, apo autoriteteve përgjegjëse, që të dënonin të riun për aktin makabër.
Fotot shqetësuese u shpërndanë nga emra të njohur si, Alban Ramosaj apo Besa Kokëdhima dhe faqet online për mbrojtjen e kafshëve. I riu që është përgjegjës për këtë vrasje, tashmë cilësohet si një person i rrezikshëm edhe për komunitetin, ndaj dhe të gjithë e kanë denoncuar publikisht këtë krim.
