Dita e Shkopit të Bardhë nëpër botë shënohet më 15 tetor, ndërkaq ka për qëllim vetëdijësimin për vështirësitë me të cilat përballen personat e verbër dhe ata me shikim të dobët.
Pikërisht në këtë datë të vitit 1964 Kongresi i Shteteve të Bashkuara miratoi një rezolutë të përbashkët, e cila e përcaktoj shënimin e kësaj dite dhe identifikimin e shkopit të bardh si mjet ndihmës për personat që kanë probleme me syrin.
Shkopi i bardhë tanimë është kthyer në symbol të lirisë, pavarësisë dhe besimit. Ajo mundëson lëvizjen e lirshëm në mjedise të hapura të personave të cilët kanë nevojë për të. Ndërkaq historia e përdorimit të saj daton që nga viti 1921, atëherë kur fotografi anglez James Biggs verbohet pas një aksidenti. Për shkak të trafikut të madh përreth shtëpisë së tij, Biggs filloj ta përdor atë, pikërisht me ngjyrë të bardhë në mënyrë që të dallohet me lehtë nga të tjerët.
Personat e verbër nuk mund të shohin asgjë, ndërkaq ata me shikim të dobët mund të kenë probleme për të parë dritën, ngjyrën ose ndonjë formë.
Ndërsa përparimet teknologjike vazhdojnë të përmirësojnë jetën e të verbërve dhe atyre me shikim të dobët, shkopi i bardhë vazhdon të jetë një domosdoshmëri themelore për të udhëhequr një jetë të pavarur dhe produktive. Shkopi i bardhë i zgjeron shqisat e një personi duke i lejuar ata të përcaktojnë hapat, shtrimin e trotuarit dhe pengesat. Por gjithashtu siguron një nivel sigurie si një sinjal për për të tjerët.
