Kur dehesh ka rrezik të përdhunohesh. Zhveshja të bën një objektiv për ngacmime. Burrat duan gjithmonë seks dhe do të bëjnë gjithçka që duhet për ta arritur. Ju mund të shmangni përdhunimin nëse nuk ecni vetëm gjatë natës dhe nuk pranoni pije nga të huajt.
Më siguri që i keni dëgjuar shpesh këto aludime të vjetra në lidhje me sulmet seksuale. Por fakti që janë të vjetra, nuk i bën ato 100% të vërteta.
“Cosmopolitan” ka renditur 15 mitet më të mëdha në lidhje me sulmet seksuale që i dëgjomë shpesh por nuk duhet t’u besojmë.
1.Sulmet seksuale janë keqkuptime. Kjo nuk është aspak e vërtetë. Të dyja palët, si femra dhe meshkulli janë të aftë të kuptojnë sinjalet e njëri-tjetrit, nëse partneri do apo jo të kryejë seks me dëshirë. Përdhunimet nuk ndodhin sepse ai ishte i pirë dhe nuk e kuptoi qëllimin e saj. Pikërisht sepse mendojmë se sulmet seksuale janë një keqkuptim, shumë përdhunues enden sot të lirë.
2.Zakonisht janë të huajt ata që kryejnë sulme seksuale. Në fakt dy të tretat e viktimave të sulmeve seksuale, e njohin paraprakisht sulmuesin, dhe ky i fundit nuk mbin nga hiçi.
3.Përdhunim quhet vetëm kur të dhunojnë apo të detyrojnë fizikisht të kryesh seks. Përdhunim nuk quhet vetëm nëse përdor penisin, por edhe me forma të tjera të ngacmimeve nga prekjet në vendet intime deri të përdorimi i objekteve për përdhunim. Edhe nëse femra nuk kundërvepron ose bërtet gjatë aktit, pasi ka pësuar traumë ndërkohë, sërish quhet sulm seksual.
4.Përdhunimi ndodh vetëm për shkak të dëshirës seksuale. Jo, përdhunuesi nuk vepron vetëm sepse është i eksituar por edhe sepse do të bëjë keq.
5.Femrat e vendosin veten në rrezik nëse vishen në mënyrë provokuese. Një nga mitet më të mëdha është kur njerëzit besojnë se “ajo ia bëri vetes me atë minifund”. Nuk ka asnjë provë që përdhunuesi e zgjedh viktimën bazuar në veshjen e saj.
6.Pasi ke thënë “po” nuk ka më kthim mbrapa. Seksi nuk është një marrëveshje ligjore e shkruar. Nëse nuk do, mund të thuash “jo” edhe pasi ke pranuar të shkosh të shtëpia e tij.
7.Femrat gënjejnë dhe shpikin se janë përdhunuar. Në fakt e kundërta është e vërtetë, 60% e femrave nuk i raportojnë këto sulme.
8.Fantazitë mbi përdhunimin nënkuptojnë që do të të përdhunojnë. Shpesh fantazi të tilla janë të shëndetshme në kuptimin që mund të njohim dhe të përballemi me frikën tonë.
9.Vetëm femrat janë viktima të sulmeve seksuale. Edhe meshkujt janë viktima të sulmeve seksuale, shpesh nga meshkuj të tjerë, por edhe nga femrat.
10.Nëse nuk je koshiente për atë që ka ndodhur ose nuk e mban mend, po gënjen. Kur përballesh me një traumë të tillë, mund të ndikojë në pjesën e memories, por kjo nuk do të thotë që s’ka ndodhur.
11.Nëse shoqja jote përdhunohet duhet të shkosh ti në polici. Jo, duhet t’ia lësh si përgjegjësi viktimës që të shkojë të bëjë denoncimin dhe të kuptojë që kjo është gjëja e duhur që duhet të bëjë për veten.
12.Femrat mund ta parandalojnë përdhunimin duke pirë më pak dhe duke shmangur festat. Nuk ka asgjë që mund të bësh për të ulur rrezikun e përdhunimit në 0. Mund të ndodhë edhe në një vend ku mendon se ndihesh e sigurt.
13.Përdhunuesit shkojnë në burg. Shumica e përdhunuesve nuk e shohin kurrë një sallë gjyqësore, e lëre më një qeli burgu – vetëm 3 për qind e përdhunuesve janë burgosur.
14.Përdhunimet nuk ndodhin në kolegje ose kampe. Ka shumë raste sulmesh seksuale në këto ambiente por rrallëherë denoncohen.
15.Përdhunuesit përjashtohen nga kolegjet ose kampet. Nuk ka statistika të shkëlqyera për rezultatet disiplinore të kampeve, por një sondazh sugjeron se vetëm 10 deri në 25 për qind e njerëzve që janë përgjegjës për sulme seksuale dëbohen.
