Depresioni mund të konsiderohet pa frikë një ndër sëmundjet më “vrasëse” të këtyre viteve të fundit. E kemi vënë mes thonjëzash mbiemrin vrasëse, pasi depresioni mund të mos vrasë fizikisht personat e prekur, por vret dalëngadalë botën e tyre të brendshme. Në momentin që një person vuan shenjat e para të depresionit e gjitha bota e tij kthehet përmbys, gëzimi fashitet dhe vendin e tij e zënë mendimet negative, pështjellimet emocionale, dëshira për të qenë vetëm.
Timy Murphy e kishte vënë re, se diçka nuk po shkonte tek bashkëshortja e tij, sa herë që ajo mbyllej për të qarë në banjë apo sa herë që zgjidhte të mbante nga brenda dhimbjen dhe pamundësinë për të qenë e lumtur sërish. Për këtë arsye ai vendos t’i shkruajë në pasqyrën e shtëpisë së tyre në Los Angeles një dedikim ku citon 15 arsyet përse është i dashuruar me Mollyn, bashkëshorten e tij.
1.Është shoqja imë më e mirë.
2.Nuk më braktis kurrë.
3.Më jep kohë të punoj rreth projekteve të mia të çmendura.
4.Më bën të qesh çdo ditë.
5.Është femra më e bukur në botë.
6.Nuk i thotë kurrë jo çmendurisë time.
7.Është njeriu më i sjellshëm që njoh.
8.Ka një zë të bukur.
9.Kemi vajtur bashkë në një klub striptizmi.
10.Edhe pse ka kaluar një tragjedi të madhe, është njeriu më optimist që njoh.
11.Ka mbështetur gjithmonë zgjedhjet e mia në fushën profesionale.
12.Do të bëja gjithçka për të.
13.Edhe pse ka kaluar shumë problem, nuk ka hequr kurrë dorë nga karriera e saj.
14.Është shumë e ndjeshme, qan qoftë për kafshët e vogla në rrugë.
15.Shfryn teksa qesh.
Vajza, e përlotur nga ajo që gjeti në pasqyrë, ka ndarë foton e saj me në rrjete sociale duke shënuar me mijëra ndjekës. Një gjest i thjeshtë dashurie që u shndërrua në imazhin e saj në imazhin virtual më të klikuar në tërë uebin. Ajo u shpreh se përballja me depresionin është e vështirë, por jo e pamundur pasi ka në krah gjysmën e saj më të mirë.
Burimi: Daily Mail
