Një djalë 14-vjeçar nga Portugalia është bërë personi me moshën më të re deri më tani, që ka humbur jetën nga Covid-19 në Evropë.
Adoleshenti nga provinca Ovar, vetëm 30 minuta larg qytetit të Portos, ka humbur jetën ditën e dielë në spitalin “Sao Sebastiano”.
Sipas njoftimeve të mediave lokale, i mituri nuk kishte ndonjë problem të veçantë shëndetësor, ishte tip sportiv dhe energjik, por fatkeqësisht vuante nga psoriasis, një çrregullim i lëkurës që ndonjëherë mund të ndikojë në sistemin imunitar.
Djali ishte infektuar me virus dhe kishte rezultuar pozitiv gjatë ditëve të kaluara, por gjendja e tij ishte përkeqësuar në orët e fundit.
Ai ishte shtruar midis të premtes dhe të shtunës në spitalin Sao Sebastiao, në Lisbonë, ku kishte mbërritur në gjendje të rëndë, por, përkundër trajtimit mjekësor, situata e tij u vështirësua deri në vdekjen e tij.
Pak ditë më parë ndërroi jetë edhe një adoleshente në Francë. 16-vjeçarja nuk vuante nga asnjë problem tjetër mjekësor.
Tashmë pas këtyre rasteve mund të themi se askush nuk mund të jetë imun ndaj këtij virusi që ka shkaktuar aq shumë viktima saqë mund të quhen “viktima lufte”.
Në të gjithë botën, numri i çështjeve ka arritur në më shumë se 710,000. Rreth 149,000 njerëz janë shëruar, ndërsa më shumë se 33,000 kanë vdekur.
/Iconstyle.al
