Duhet të mësoni nga më të mirët se si të kujdeseni për shëndetin tuaj. Edhe kandidatja për Shtëpinë e Bardhë, Hillary Clinton, ka një sekret që pavarësisht moshës të jetë ende në formë.
Në një intervistë për rrjetin publik NPR, kandidatja tha se për të qenë e shëndetshme dhe për të forcuar sistemin imunitar, ajo ha një spec djegës në ditë.
Ky zakon ka nisur që në vitin 1992, gjatë fushatës së parë për zgjedhjen e të shoqit president.
“Kam lexuar një artikull për ndikimin pozitiv të specit djegës në forcimin e sistemit imunitar. Mu duk interesante, sepse fushatat presidenciale janë shumë stresuese. Tani ha një spec djegës në ditë dhe ndoshta kjo është arsyeja pse jam e shëndetshme dhe plot energji”, tha ajo.
Specat djegës janë të pasur me vitamina. Ndikim pozitiv në shëndet ka kapsaicina, e cila gjendet te specat djegës dhe u jep atyre pikërisht shijen pikante. Një studim kinez ka arritur në përfundimin se ata që e konsumojnë rregullisht specin djegës e ulin mundësinë e vdekjes së parakohshme me të paktën 14 për qind.
