Më shumë se sa produktet e ndryshme që aplikoni te flokët tuaj, rëndësi kanë ushqimet që konsumoni.
Ushqimet ndikojnë në mënyrë të drejtpërdrejtë në rritjen dhe rigjenerimin e flokëve tuaj.
Por ka disa ushqime të veçanta që u japin më shumë jetën atyre, pasi përmbajnë vitamina për forcimin dhe stimulojnë rritjen.
Dy shkollat londineze “Hardvard” dhe “Yale” propozuan një listë të produkteve, që nëse i bëni pjesë të menysë suaj do t’ju ndihmojnë në rritjen e flokëve.
- Salmoni
Ky lloj peshku është i pajisur me vitaminën më të mirë për flokun, vitaminën D dhe proteina, por gjithashtu përmban acidin yndyror Omega 3, që ndihmon në rritjen e flokut.
- Speca të verdha
Specat e verdha përmbajnë rreth 5 herë më shumë vitaminë C se portokallet. Vitamina C është një antioksidant që forcon flokun.
- Midhjet
Midhjet janë të pasura me zink. Zinku i bën flokët e fortë dhe pengon rënien e tyre.
- Patatet e ëmbla
Përmbajnë vitaminë A, që luan rol kryesor në shëndetin e skalpit të kokës dhe ka ndikim në zgjatjen e flokut.
- Vezët
Vezët përmbajnë Omega 3 dhe Biotin, që stimulojnë zgjatjen e flokëve. Por nëse kërkoni flokë të gjatë dhe të bukur duhet të konsumoni më shumë të verdhën e vezës.
- Farat e lulediellit
Farat e lulediellit kanë vitaminë E, që shton qarkullimin e gjakut tek skalpi dhe kjo shpejton rritjen e flokëve.
- Avokado
Është i pajisur me acide yndyrore dhe kur përdoret në flokë apo në sklap shton kolagjenin, i cili ushqen rrënjën e si pasojë floku do të rritet.
- Bajamet
Këto fruta të thata kanë në brendësi Biotin, që kontribuon në rritjen dhe dendësinë e flokut.
