13 qytetarë, të gjithë në Qarkun Durrës kanë rezultuar pozitivë me koronavirus në 24 orët e fundit në vendin tonë.
Ministria njoftoi se rastet e reja janë kontakte të personave që tashmë rezultojnë pozitivë në vatrën e re të Durrësit, ndërkohë që po vazhdon hetimi epidemiologjik aktiv në terren.
Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 946 qytetarë. Prej tyre, rreth 76% janë të shëruar.
Në vendin tone aktualisht janë 200 persona aktivë me COVID-19, kryesisht ne Tiranë, Durrës Krujë, Shkodër, Kamëz, Berat.
Gjendja në spitale paraqitet e qëndrueshme prej ditësh me 17 pacientë të shtruar dhe vetëm 3 prej tyre janë në terapi intensive.
COVID-19 – Statistika (17 Maj 2020)
Testime totale 12554
Raste pozitive 946
Raste të shëruara 715
Raste Aktive 200
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 78
Krujë 46
Durrës 30
Shkodër 15
Kamëz 12
Berat 10
Fier 4
Elbasan 2
Kurbin 1
Mirditë 1
Korçë 1
Situata në mbarë botën
Në nivel global, më shumë se 4.6 milionë njerëz janë infektuar dhe më shumë se 311,000 kanë vdekur nga COVID-19, sipas Universitetit Johns Hopkins. Pothuajse 1.7 milionë njerëz janë shëruar.
Ministria e Shëndetësisë e Brazilit ka konfirmuar 14.919 raste të reja me koronavirus si dhe 816 vdekje, duke rritur numrin e përgjithshëm të infeksioneve në të paktën 233.1142. Brazili është vendi i katërt më i prekur në botë, duke tejkaluar numrin e Spanjës, me një numër vdekjesh që ka arritur në 15.633.
Ish Presidenti Barack Obama ka kritikuar drejtuesit amerikanë për trajtimin e koronavirusit, duke treguar se shumë zyrtarë as nuk pretendojnë të jenë në krye të situatës.
Mijëra vetë protestuan në qytetet e mëdha gjermane kundër kufizimeve të jetës publike. Në disa vende, pati pjesëmarrje edhe më të madhe nga sa pritej.
Rusia raportoi 9.709 raste të reja të konfirmuara me koronavirus, nga 9.200 raste të reja të raportuara një ditë më parë.
Numri i përgjithshëm i rasteve në shkallë vendi është 281.752. Plot 94 njerëz kanë vdekur gjatë 24 orëve të fundit, duke e çuar numrin zyrtar të vdekjeve nga virusi në 2,631.
/Iconstyle.al
