Ishte një urim i thjeshtë nga ana e tij, por surpriza që erdhi më pas i shpjegoi të gjitha. Ledion Lico kishte përgatitur një surprizë të madhe të fejuarës së tij Sara Hoxhës.
Një “dhomë” e mbushur plot me trëndafila të bardhë dhe me emrin “Sara” e shkruar e gjitha me lule, kjo ishte dhurata që la gojëhapur aksioneren e vogël të Top Channel, bashkë me dedikimin “Të dua”, që Ledioni ia bëri me dije edhe në “Instagram” përpara 54 mijë ndjekësve të tij, jo për herë të parë.
Sara Hoxha e festoi ditëlindjen mbrëmjen e djeshme në një darkë intime me personat e saj të veçantë, ku veç dhuratave dhe surprizave pati edhe shumë dashuri.
Moderatori i “The Voice Of Albania” nuk mungoi në festën private të përvjetorit të 20-vjeçares. Në fotot e shpërndara nga Sara apo Lori në “Snapchat” dhe “Instagram”, nuk mund të mos binte në sy dekori elegant i tavolinës, qirinjtë e vendosur përgjatë saj dhe trëndafilat e bardhë që krijonin një atmosferë festive mes të ftuarve.
Sigurisht që nuk kishin si të mungonin as urimet në rrjete sociale, ku spikasnin ato të Lorit dhe Ledionit. Ky i fundit postoi një foto të Sarës në “Instagram”, të shoqëruar me urimin: “Uroj që ajo të jetë e lumtur çdo ditë, sepse ajo me të vërtetë e meriton”.
Nga ana tjetër, motra e saj e madhe Lori në një foto ku shfaqet bashkë më Sarën, ka shkruar: “Ajo nuk ka qenë kurrë një adoleshente tipike, por sot ajo bën zyrtarisht 20 vjeç. Të dua shumë motra ime, mikja ime më e mirë, mama, baba, partnere jete! E di që ka për të qenë një vi ti madh për ty dhe jam e bekuar që jam e para që telefonon për çdo sukses tëndin dhe për çdo mësim të jetës. Je gjysma ime më e mirë dhe ajo tek e cila mbështetem. Buzëqeshja jote do jetë gjithmonë një arsye për lumturinë time, kështu që shpresoj se kjo jetë do të ketë rezervuar vetëm gjëra të bukura për ty…”.
Por urimin e parë Sara e mori nga vëllai i vogël Itan: “Hej Sara gëzuar ditëlindjen, shpresoj që dita e sotme të jetë më e bukura në jetën tënde. Je motra ime më e mirë. Me dashuri, Itan Hoxha,” shkroi më i vogli i familjes Hoxha në gjyhën angleze.
