Nga sagat familjare te romanet distopikë, këto janë 12 librat më të spikatur të vitit 2025 deri më tani, një përzgjedhje që përfshin emra të mëdhenj të letërsisë botërore dhe zëra të rinj që po marrin vëmendje.
1. Dream Count – Chimamanda Ngozi Adichie
Rikthimi i shumëpritur i autores së Americanah sjell historinë e tre grave nigeriane dhe miqësisë së tyre në një roman me tematika si raca, pushteti dhe kolonializmi. Një vepër e ndjerë dhe e ndërlikuar që vlen pritjen.
2. We Do Not Part – Han Kang
Romani që ndihmoi autoren koreane të fitonte Çmimin Nobel. Një rrëfim poetik dhe tronditës për marrëdhënien mes dy grave, që zbërthen një kapitull të dhunshëm të historisë koreane.
3. Stag Dance – Torrey Peters
Një koleksion tregimesh që përfshin dashuri, histori, dhe distopi, ku autorja eksperimenton me zhanret dhe identitetin, gjithmonë me nota ironie dhe lojë letrare.
4. Theft – Abdulrazak Gurnah
Një roman i vendosur në Afrikën Lindore pas kolonializmit, që ndjek tre adoleshentë në një histori të thellë miqësie dhe tradhtie. Një vepër e pjekur dhe e balancuar nga fituesi i Nobelit.
5. Universality – Natasha Brown
Satirë e mprehtë për politikën identitare, mediat dhe kulturën e anulimit në Britani. Ironike, e zgjuar dhe brutalisht aktuale.
6. The Names – Florence Knapp
Një nënë që zgjedh emrin e djalit të saj mes tre mundësive. Historia zhvillohet në tre realitete paralele që eksplorojnë fatin, dhunën në familje dhe identitetin. I pazakontë dhe prekës.
7. The Emperor of Gladness – Ocean Vuong
Romani i dytë i autorit të On Earth We’re Briefly Gorgeous, që ndjek rritjen e një të riu gej në SHBA dhe miqësinë me një të moshuar me demencë. Një panoramë sociale me stil të butë dhe poetik.
8. Eden’s Shore – Oisín Fagan
Një epikë detare brutale dhe satirike, që ndjek një tregtar skllevërish në shekullin XVIII, i cili ëndërron një komunitet utopik. I errët, eksperimental dhe tejet origjinal.
9. Dream State – Eric Puchner
Një sagë shumëbrezore që nis në 2004 dhe shpalos jetët e një familjeje mbi pesë dekada. Emocional dhe reflektues, një histori për dashurinë, tradhtinë dhe trashëgiminë.
10. The Dream Hotel – Laila Lalami
Një thriller spekulativ ku një grua arrestohet për shkak të ëndrrave të saj, në një realitet ku teknologjia kontrollon nënvetëdijen. I frikshëm, i mundshëm dhe shumë aktual.
11. Confessions – Catherine Airey
Një debutim që përshkruan jetën e tri brezave të grave nga New York në Irlandë. I pasur në atmosferë dhe emocion, me një stil narrativ që të mban të mbërthyer.
12. Flesh – David Szalay
Një histori për rritjen, dhimbjen dhe heshtjen. Ndjek István nga adoleshenca në Hungari deri në majat e shoqërisë londineze. Një analizë e thellë e jetës moderne dhe e asaj që nuk thuhet kurrë.
