Atmosfera festive e Ditës së Pavarësisë vijon në çdo cep të Shqipërisë. Të rinjë e të reja, të moshuar e fëmijë janë mbledhur për të festuar Pavarsinë nëpër sheshet e vendeve përkatëse.
Tirana është pushtuar nga të rinjtë, ku dhjetëra prej tyre kanë marrë makinat dhe kanë dalë në rrugët e Tiranës me flamujt kuqezi në duar.
Festa ka vijuar dhe në qytetin e Fierit. Dhjetëra qytetarë me flamuj në makinat e tyre kanë bërë një paradë në qendër të qytetit duke u ndjekur nga grupmosha të ndryshme. Nga pamjet e siguruara nga Top Channel, shihen makinat e zbukuruara me flamurin shqiptar, ndërsa në sfond dëgjohen këngë patriotike.
