Tapeti i kuq është momenti më i shumëpritur nga të gjithë për të parë rezultatin final pas atyre orëve të gjata të përkushtimit dhe punës që bëjnë personazhe të njohur të artit, për t’u dukur bukur.
Nuk janë të rralla rastet kur artiste shqiptare kanë mahnitur botën me paraqitjen e tyre në evente prestigjioze.
Duke qenë se jemi nën ethet e festivaleve, sa i përket Festivalit Ndërkombëtar të Filmit që po mbahet në Venecia, “iconstyle.al” sjell të gjitha herët kur shqiptarët kanë bërë bujë me veshjen e tyre.
Nga premierat ndërkombëtare të filmave te tapetet e kuqe të eventeve të njohura të muzikës në botë, këtu do të shihni paraqitjet më të mira që kanë bërë ndonjëherë shqiptarët në tapetët e kuq nëpër botë:
Klaudia Pepa
Rasti i saj është i freskët fare, pasi jo më larg se dje, Klaudia Pepa u shfaq në tapetin e kuq të Filmit Ndërkombëtar në Venecia me një fustan të gjatë të stilistes Elisabetta Franchi, me dy të çara anash që i ekspozonin këmbët e tonifikuara.
Elvana Gjata
Veshja e saj ka qenë ndër më të komentuarat, por megjithatë pavarësisht kritikave, ekstravaganca e këtij fustani që veshi Elvana Gjata në “Grammys 2017”, e rendit atë në listën tonë.
Bebe Rexha
Nga këngëtarja Bebe Rexha do të veçojmë look-un në tapetin e kuq të Grammy Awards 2018. Ajo veshi një fustan të ngushtë pas trupit La Perla, që i tregonte format e hijshme.
Rita Ora
Rita Ora kryesonte listën e të veshurave më bukur në BRIT Awards 2018, të mbajtur në O2 Arena në Londër. 27-vjeçarja dukej si një princeshë, me një fustan të bardhë me pupla të Ralph & Russo, ndërsa nuk mungoi trëndafili i bardhë që simbolizonte mbështetjen ndaj lëvizjes Time’s Up.
Dua Lipa
Pas nuk mbeti as Dua Lipa e cila parakaloi në të njëjtin tapet të kuq, e veshur me një fustan nga Giambatissta Valli, rozë ekstravagant me bisht të gjatë dhe të shkurtër në pjesën e përparme.
Bleona Qereti
Te rralla janë rastet kur veshja e Bleona Qeretit në tapetin e kuq të një eventi ndërkombëtar, nuk është kritikuar. Megjithatë ky fustan “Ellie Saab” që veshi Bleona në tapetin e kuq të çmimeve Oscar në vitin 2018, e rendit atë në listën e të veshurave më bukur.
Elhaida Dani
Këngëtarja Elhaida Dani, ka shkëlqyer në tapetin e kuq të ceremonisë zyrtare të hapjes së edicionit të 60-të të Eurovisionit, në vitin 2015, e veshur me një fustan të verdhë si princeshë, nga stilisti Valdrin Sahiti.
Hana Noka
Aktorja kosovare, Hana Noka e cila jeton në SHBA, ishte artistja e parë nga Kosova që mori pjesë në festivalin e filmit ndërkombëtar të modës “La Jolla”, i cili u mbajt më 19 deri më 21 korrik” në Kaliforni. Por kjo nuk ishte e vetmja gjë për të cilën Hana do të mbahet mend, pasi paraqitja e saj ishte nga më të mirat.
Aurela Hoxha
Aurela Hoxha gjithashtu ka mahnitur me fustanin e saj prej Hirusheje në tapetin e kuq të AmFar.
Angela Martini
Eventi i AmFar i filmit në Cannes mbahet mend edhe për një nga paraqitjet më të mira të shqiptares Angela Martini.
Morena Taraku
E fundit por jo më pak e mahnitshme, ka qenë veshja e Morena Tarakut në AmFar, Cannes. Bukuroshja brune shkëlqeu me fustanin e kuq si sirenë dhe me një bust elegant, që i ekspozonte gjoksin.
