Si të nisësh të analizosh shfaqjen e modës të Marc Jacobs Vjeshtë 2016 në Javën e Modës në New York? Kishte mantele, fustane xixëlluese, grim goth, veshje me pika oversize dhe paraqitja e Lady Gaga, me këpucë me një platformë shumë ekstravagante. Jacobs di vërtetë se si të bëjë një shfaqje dhe të bëjë konfuz Javën e Modës në New York, ndërsa një haute couture dramatik ishte ajo që priste audienca. Këto janë 11 pikat kryesore të koleksionit të Marc Jacobs.
1.Yjet në radhën e parë të Jacobs mund “qeverisnin” një qytet të vogël. Sandra Bernhard, Juliette Lewis, Christina Ricci, Kiernan Shipka, Maggie Gyllenhaal, Emily Ratajkowski, Rachel Feinstein, Debi Mazar, Natasha Lyonne, CL dhe Milk ishin ulur në radhën e parë të shfaqjes së Jacobs.
2.Interiori i “Park Avenue Armory” ishte transformuar në një dhomë të rrumbullakët të bardhë të shkëlqyer me ndenjëse si në stadium, ku modelet dilnin nga njëra anë dhe ecnin përreth.
3.Shfaqja nisi me një muzikë që çdo përdorues i iPhone e njeh shumë mirë, tingulli që bën kur të vjen një mesazh. Zilet më pas u ngritën dhe shoqëruan të gjithë shfaqjen.
4.Modelet u shfaqën me një stil flokësh si valëzime gishtash kombinuar me një grim për sytë të zi në mënyrë abstrakte.
5.Këpucët! Jacobs shfaqi këpucë që të sjellin në mendje dizajnët e Terry de Havilland dhe John Fluevog, të kompletuara me platforma që mund të gjenden sot në skenën skandinave.
6.Kendall Jenner eci në pasarelë, por ylli i vërtetë i momentit erdhi kur Lady Gaga u shfaq me një pallto gri me mëngë pelushi dhe një makijazh si të gjithë modelet.
7.Koleksioni u realizua me ngjyra të errëta, me diçka shpërthime të tyre tek-tuk, si jeshilja e zbehtë, roza e zbehtë dhe vjollca e përhimët.
8.Disa prej motiveve të koleksionit ishte mbartur nga ato të mëparshmet, si bluzët e qëndisura dhe xhaketat e bandave nga Pranverë 2016 apo përzierjet e pikave nga Vjeshtë 2011.
9.Minjt dhe macet mund të “shkojnë” bashkë! Kuptohet që vetëm në veshjet e Marc Jacobs.
10.Asnjë nuk do të ketë më ftohtë me këto pelushe.
11.Jacobs u shfaq me një kostum gri dhe një bluzë e bërë për histori me fytyrën e Hillary Clinton me xixa blu dhe të kuqe.
Burimi: Vogue
