I bëni vetes një premtim çdo fundvit për të ardhshmin?! Nuk jeni të vetmit, pasi kjo ndodh me të gjithë, madje edhe me të famshmit.
Kur viti i afrohet fundit, secili nis një përmbledhje të gjërave të mira dhe të këqija, atyre që duhet t’i bënte, por nuk i realizoi dhe atyre gjërave që nuk i përfundoi në mënyrën e drejtë.
Kjo vlen edhe për personazhet e famshëm, celebrities botërorë. Nëse ju i mbani për vete premtimet, ndryshimi mes tyre është se ata kanë mundësinë, nderin apo fatkeqësinë që t’i shprehin publikisht se çfarë duan të ndryshojnë nga vetja në 2016-n.
Prestigjiozja “The Sun” sjell disa prej premtimeve që yjet i kanë bërë vetes për vitin e ardhshëm.
Kim Kardashian
Showgirl-i pak kohë më parë solli në jetë fëmijën e saj të dytë, ka deklaruar se planifikon që vitin e ardhshëm të mënjanojë komentet negative në rrjete sociale. 35-vjeçarja dëshiron gjithashtu që të jetë më pozitive.
Sam Smith
Këngëtari britanik, për 2016-n parësore ka paratë. Këngëtari i kolonës zanore të “Spectre”, dëshiron që të gjejë dikë që t’i thyejë zemrën dhe më pas ta shkruajë këtë histori dhe ta shndërrojë në këngë të re.
Liam Payne
Pjesëtari i grupit “One Direction” po planifikon të lërë duhanin. Duke folur për revistën “People”, 22-vjeçari tha: “Do të përpiqem të lë duhanin. Është e vështirë, por dëshiroj shumë. Ka ardhur koha që të rritem”.
Niall Horan
Niall, po ashtu pjesëtar i grupit “One Direction”, dëshiron t’i përkushtohet palestrës.
Gigi Hadid
Modelja më e re e “Victoria’s Secret” i ka vënë vetes qëllim që të praktikojë boksin, rregullisht.
Perrie Edwards
Këngëtarja e grupit “Little Mix”, planifikon që të shijojë më shumë jetën. Për revistën “Fabulous”, ish-e dashura e Zayn Malik tha se pranifikon të shohë drejt të ardhmes dhe të shijojë çfarë i rezervon ajo.
Khloe Kardashian
Pavarësisht se me një diferencë në moshe, Khloe ka të njëjtën dëshirë si Perrie, të shijojë çdo moment në 2016-n. Me anë të një postimi në “Twitter”, 31-vjeçarja tha: “Ky vit më ka bërë që të kuptoj sa shpejt ndryshojnë gjërat. Në një moment të vetëm mund të ndryshojë gjithçka. Ndaj, për vitin e ardhshëm dua të jetë e pranishme dhe të vlerësoj çdo moment”.
