Ndërsa ju jeni duke u përgatitur për natën e ndërrimit të viteve, ne jemi duke kthyer kokën pas për t’ju kujtuar figurat e mëdha të botës së modës që kanë ndërruar jetë në vitin 2015.
Steve Strange, 12 shkurt
Vokalisti i grupit pop të viteve ‘80, ka vdekur në moshën 55-vjeçare nga një atak në zemer. Ikona e Welsit, i njohur për hitin e tij “Fade to Grey” ndërroi jetë në spitalin e Sharm el-Sheikh në Egjipt. Strange në vitet e fundit ka qenë edhe komentator i shfaqjes televizive “ New Romantic Era”.
John Fairchild, 27 shkurt
Fairchild ishte një gazetar i modës dhe pas vdekjes ai la një trashëgimi të madhe për botën e femrave. Shkruante për të përditshme “Women’s Wear Daily” dhe W. Fairchild ngriti industrinë e lajmeve “thashetheme” në formën e artit.
Albert Maysles, 5 mars
Maysles ka bërë disa filma për modën së bashku me vëllanë e tij David. Maysles ishte një nga hartuesit e dokumentarit portret nga Gimme Shelter.
Manuela Pavesi, 13 mars
Stiliste, fotografe dhe dora e djathtë e Miuccia Prada. Ajo u shqua për një sy të mprehtë për gjetjen dhe nxitjen e talenteve të reja në industrinë e modës.
Carlos Falchi, 27 mars
Falchi është i njohur për prodhimin e çantave nga më të veçantat. Ngjyrat e zjarrta dhe lëkurat e përdorura (hardhucë) ishin e veçanta në punën e tij.
Mary Ellen Mark, 25 maj
Pas 40 vjet karrierë, fotografja e famshme amerikane Mary Ellen Mark, u nda nga jeta në moshën 75-vjeçare. Fotografitë e saj më të bujshme janë nga bota e prostitucionit në vitet ’90.
Marie-Louise Carven, 8 qershor
Ishte një nga themelueset e shtëpisë së modës në Francë, “Carven” në vitin 1945. Ajo ndryshoi rrënjësisht botën e modës pas daljes nga Lufta e Dytë Botërore.
Elio Fiorucci, 20 korrik
Fiorucci është një emër i njohur i modës italiane. Ai njihet për krijimin e sandaleve më të veçanta për femra në botën e modës.
Ingrid Sischy, 24 korrik
Shkrimtare dhe redaktore në disa revista mode. Ajo ka ndihmuar për të futur tonin e arteve bashkëkohore në gazetari.
Arnold Scaasi, 4 gusht
Ishte projektuesi kanadez modes. Vendimi i tij për të ndjekur botën e modës e mori që në moshën 14-vjeçare.
Edwige Belmore, 22 shtator
Njihet si “Mbretëresha e keqe” e modës në Francë. Ajo është marrë më shumë me veshjet e meshkujve.
Holly Woodlawn, 6 dhjetor
E njohur për poezitë se saj, ishte transgjinori i parë që u hapi rrugë personave të tjerë.
Marrë nga Vogue. Përgatiti: Jearta Çaushi
Trending Now
Horoskopi: 26 mars 2023
