Kur shohim këto fotografi atëherë mund të themi vërtet se ka shpresë në këtë vend.
Këngëtari dhe humoristi Ermal Mamaqi mori iniciativën për një tjetër akt bamirësie, këtë radhë në qendër të kryeqytetit.
Të vendosur pranë pemës së Vitit të Ri në qendër, me disa persona të tjerë nga Kisha Ungjillore në të cilën ai është edhe vizitor i përjavshëm, Ermali mori kitarën për të kënduar pranë “Babagjyshit”.
Në fakt me këtë veprim ideja e tij është që të mbledhë para, me të cilat do të ndihmojnë familjeve dhe fëmijëve në nevojë.
Paraditen e kësaj të diele ai vendosi që ta kalojë me miqetë e tij të Kishës dhe me qytetarët, duke i dhurauar atyre kënaqësi për veshin, me anë të kitarës dhe këngëve.
Pranë tij ndodhej e hapur kutia e kitarës, e cila shërbente si një vend ku njerëzit mund të kontribuonin me të holla për njerëzit në nevojë në këtë virgjilje të Vitit të Ri.
Fushata është nisur më herët nga çifti Mamaqi, pas pjesëmarrjes së tyre në Mbrëmjen e Bamirësisë për fëmijët në nevojë në Durrës.
“ICON” ndoqi nga afër performancën e këngëtarit, ku mori shumë kënaqësi, ndërsa u munduam të bëjmë të lumtur të paktën një fëmijë këtë fundvit.
