Secili nga ne zgjedh t’i kalojë Krishtlindjet në mënyrën e vetë. Eh… kur bëhet fjalë për celebrities, prisni pak. Ata nuk lënë asnjë gjë pa e shfrytëzuar për favorin e tyre.
Kështu çifti Beckham, David dhe Victoria, si dhe katër fëmijët e tyre kanë përshëndetur fansat me një foto në Instagram.
Megjithëse vendi ku ata kanë festuar Krishtlindjet është ende i paqartë, çifti ka zgjedhur një urë të vogël që është mbuluar nga bora, duke sfiduar dhe të ftohtin, për të uruar Krishtlindjet.
Gjithashtu ylli i muzikës botërore, Taylor Swift, është përfshirë tërësisht nga festa e Krishtlindjeve. Këngëtarja amerikane në këtë ditë të veçantë ka ndarë për të gjithë fansat e saj një foto vërtet shumë speciale, ku ajo është veshur si një Elf. Një ndër artistet më të paguara aktualisht në botë, ka pozuar thjesht, duke uruar në këtë mënyrë Krishtlindjet pa patur nevojë për asgjë tjetër veç imagjinatës dhe shpirtit të festës.
Nga familja Kardashian për dhuratë keni vetëm puthje. Por ajo që bie në sy në këtë foto është rikthimi i Kim-it, pas lindjes së djalit Saint. Edhe vogëlushja North gjithashtu ju puth.
Ndërsa modelja 27-vjeçare Candice Swanepoel ka zgjedhur një vend të ngrohtë për të kaluar pushimet. Ajo u kthye në vendlindjen e saj, Afrikën e Jugut, ndërsa postoi një foto ku shihej me reçipeta të bardha dhe me një palë xhinse shumë të shkurtra, duke nxjerrë në pah këmbët e gjata. “Gëzuar festat”, shkroi Candice në foton e postuar në Instagram,
Por edhe celebritiet shqiptarë kanë mënyrën e vet të festimit. Prezantuesja e njohur Alketa Vejsiu, ka postuar një foto ne Instagram ku uron “Gëzuar Krishtlidjet”. E veshur me të kuqe, me një sfond me tullumbace prezantuesja duket rrëzëllitëse në këtë festë.
Këngëtarja Elvana Gjatë ndodhet në New York, ndërsa është fotografuar duke konsumuar Hot-dog. Ajo ndodhet në SHBA, sigurisht për të festuar me shqiptarët e amerikës.
Dy motrat, Luana dhe Marina Vjollca kanë preferuar që Krishtlindjet t’i kalojnë me mamin e tyre. Ato kanë darkuar, sigurisht ushqimi me karar, pasi duhen ruajtur linjat.
Modelja nga Shkodra, Angela Martini, e cila është bërë e njohur në Amerikë, ka vendosur që t’i kalojë festat e fundvitit në atdhe.
Ajo publikoi një foto, ku shfaqet me një fustan lejla shumë seksual, ndërsa në sfond ka të pikturuar një femër. Angela qëndron mbi një divan të kuq, ndërsa në dixhiturën e fotos thuhet vetëm: “Krishtlindje në Shqipëri”.
