Janë rikthyer?! Heidi Klum puthet me ish-bashkëshortin (FOTO)

Ata kishin mbetur miq pas ndarjes rreth katër vite më parë. Në natën e Krishtlindjeve, modelja gjermane Heidi Klum dhe ish-bashkëshorti i saj Seal vendosën që të dilnin me katër fëmijët e tyre, djemtë Henry, 10 vjeç dhe Johan, 9 vjeç dhe me dy vajzat, Leni 11 vjeç dhe Lou, 6 vjeç.

Familja u bashkua për Krishtlindje në një darkë te Matsuhisa në Beverly Hills. Me përjashtim të Seal, familja ishte veshur me shumë stil, të udhëhequr nga ikona e modës Heidi.

Modelja 42-vjeçare kishte veshur një fustan të zi, sipër një pallto të zezë me pellush në jakë dhe gjysmë-çizme të zeza. Ndërsa e thyente veshjen me një çantë ngjyrë të kuqe. Ndërsa ish-bashkëshorti i saj u shfa mjaft sportiv dhe i thjesht, me një bluzë të bardhë, pantallona sportive dhe atlete.

Por ajo që ra në sy pas takimit ishte puthja që shkëmbyen në buzë para se të ndaheshin. Seal dhe Heidi u fotografuan duke u puthur kur po i uronin njëri-tjetrit natën e mirë.

Ende nuk dihet nëse puthja ka simbolizuar se të dy janë prapë bashkë, apo thjeshtë ishte puthje në mes të miqve që dikur kanë qenë të martuar.

52-vjeçari disa ditë më parë ka folur rreth albumit të tij të shtatë, e në veçanti për këngën “The Bid Love Has Died”, që shumë persona e kanë lidhur me ndarjen e tij me Klum. Por në një intervistë ai u shpreh se nuk i interesonte aspak nëse njerëzit mendojnë që kjo këngë flet për ish-gruan e tij.

- Advertisement -