Ashtu siç kishte paralajmëruar edhe më parë, kantautori Alban Skënderaj ka publikuar këngën e tij më të fundit me titull “1000 Premtime”.
Këngëtari nga Vlora vjen me një bashkëpunim me një nga DJ më të famshëm në Shqipëri, DJ Dalool. Mbetet për t’u parë sesi ky bashkëpunim do të pritet nga publiku, megjithatë një gjë është e sigurt, klipi është vërtet romantik.
Ai tregon historinë e një çifti të ri që ndajnë gjithçka bashkë që nga mëngjesi, tatuazhi dhe koha, por që pas famës, çdo gjë fillon e zbehet, edhe premtimet.
