Xhensila Myrtezaj ka vendosur të sqarojë për të gjithë fansat dhe për ata që aludojnë mbi ndërhyrjet estetike që ajo ka bërë, se ajo është tërësisht natyrale.
Duke publikuar një video nga Italia, Aty ku ndodhet me të fejuarin Besart Kallaku për pushime, Xhensila shfaqet pa makijazh dhe pa ndonjë filter të Instagramit.
Kohët e fundit, Xhensila Myrtezaj ka qenë një ndër të shumtat artiste shqiptare që është përfolur masivisht për ndërhyrje estetike. Foto ‘para dhe pas’ të saj të publikuara në rrjete sociale kanë ngritur dyshime se këngëtarja ka kryer injektime në buzë dhe ndërhyrje në hundë.
Por me sa duket këto aludime nuk i kanë pëlqyer këngëtares, e cila është detyruar të dalë me një video ku shfaqet “ujë e sapun”, siç i thonë italianët.
“Duke qenë se kam dëgjuar 100 mijë aludime për sa i përket pamjes time estetike, unë po bëj një video kështu, pa makeup, pa filter për të gjithë ju që aludoni”, thotë Xhensila, e cila e mbyll videon me nota humoristike nga Bes Kallaku.
23-vjeçarja është përfolur gjithmonë për një bukuri që e karakterizon dhe vokalin më të ëmbël që ka skena shqiptare. Për një kohë shumë të shkurtër ajo rrëmbeu zemrat e publikut me këngën dhe stilin magjepsës, duke mos përmendur edhe çmime të cilat i ka fituar nëpër kompeticione muzikore.
Xhensila është fejuar me aktorin e humorit, Besart Kallaku, me të cilin ka qenë në lidhje prej vitesh.
Ajo u be e njohur fale talent show “Ethet e se premtes mbrëma”, ku ishte vetëm 14 vjeç . Ajo ka konkurruar edhe në Top Fest. Duke filluar nga Top Fest 5 nuk ka munguar ne asnjë edicion të tij dhe gjithmonë besnike ndaj rrymës muzikore RnB. Ne Top Fest 8 ajo do te kurorëzohej edhe me çmimin “Best PopRnB” për këngën “Engjëlli im” . Pas këtij çmimi ajo do te bëhej një nder këngëtaret me te suksesshme te kohës.
