Alketa Vejsiu
Moderatorja është një ndër të parat që bëri ndërhyrje në hundë për hir të televizionit dhe ia ka vlejtur. Të gjithë e mbajmë mend Alketën kur prezantonte në Top Albania Radio. Me hundën pak me kurriz dhe me syze, ka qenë imazhi i saj para 17 viteve, ndërsa sot ajo ka arritur të kurojë paraqitjen dhe është një ndër femrat më të bukura.
Bleona Qereti
Bleona Qereti bën pjesë gjithashtu në listën e femrave që janë zbukuruar nga operacioni. Ajo ka bërë ndërhyrje në hundë dhe nuk e ka mohuar asnjëherë. Dhe në fakt s’ka pse e mohon! Duket shkëlqyer.
Venera Lumani
Ajo është një nga këngëtaret më të njohura dhe më të dashura të “showbiz”-it shqiptar. Venera Lumani e cila është shpallur si zëri më i mirë shqiptar, gjatë edicionit të dytë të “The Voice of Albania”, njihet edhe për kujdesin që tregon për paraqitjen. Së fundi, ajo ka kryer një ndërhyrje kirurgjikale në hundë dhe nuk heziton të ndajë me fansat dhe publikun këtë gjë. Ajo tregoi rezultatin pak kohë pas ndërhyrjes dhe është e lumtur për këtë fakt.
Elvana Gjata
Fotot e fundit të Elvana Gjatës gjithashtu janë tepër dyshuese, se këngëtarja ka bërë një injeksion në buzë. Elvana nuk ka pranuar asnjëherë ndërhyrjet estetike, për të cilat është përfolur jo pak herë. Megjithatë fotot flasin vetë dhe të themi të drejtën, Elvana duket më bukur me buzët e plota.
Armela
Ndërhyrja që do të bënte ish-banorja e Big Brother në hundë, u ndoq nga fillimi, që para se të hynte në sallë e deri tani, që ka disa muaj që është realizuar. Armela është shumë e kënaqur me pamjen e saj të re, dhe kjo ka qenë një ndër ndërhyrjet e nevojshme për t’i shtuar pikë paraqitjes së saj.
Genta Ismaili
Këngëtarja shqiptare, Genta Ismaili pranoi në një intervistë televizive se ajo i është nënshtruar bisturisë për zvogëlimin e gjoksit dhe pas ndërhyrjes ndihet shumë mirë me trupin e saj. Por kjo nuk është ndërhyrja e vetme që ka bërë ajo. Këngëtarja ka bërë një ndërhyrje në pjesën e nofullës dhe ka zmadhuar buzët.
Dhurata Dora
Këngëtarja pranoi gjatë një emisioni se ka bërë operacion plastik në hundë, por u justifikua se ndërhyrja ishte shëndetësore, pasi vuante nga migrena. Për buzët nuk ka bërë asnjë koment, megjithatë rezultati është ai i duhuri.
Sonila Meço
Edhe Sonila Meço i është nënshtruar disa ndërhyrjeve në fytyrë, duke nisur që nga hunda, për të vazhduar me buzët dhe mollëzat. Për këtë fakt Sonila nuk ka preferuar asnjëherë të bëjë komente edhe pse duket më mirë sot. Megjithatë, duhet thënë se edhe pasi është bërë nënë, format e saj trupore janë mjaft të mira.
Dafina Zeqiri
Këngëtarja Dafina Zeqiri e pranoi në 2009-n se ka kryer ndërhyrje kirurgjikale në hundë, më vonë edhe atë për zmadhimin e gjoksit. Por ajo ka mohuar të ketë bërë operacione të tjera në buzë e fytyrë, pasi e ka përfunduar me atë në gjoks. Këngëtarja ka rregulluar imazhin e saj dhe tashmë nuk gjen asnjë foto të vjetër në profilin e saj në “Instagram”.
Eni Koçi
Edhe pse e vogël, këngëtarja Eni Koçi i është nënshtruar një ndërhyrje në hundë. Eni ka pohuar që e ka bërë operacionin për zvogëlimin e hundës që kur ishte adoleshente, por pas asaj duket se ajo ka bërë një tjetër operacion për të krijuar formën perfekte që ka sot.
Burimi: Iconstyle.al
